Алтынньы 4 кунугэр биьиги оскуолабыт иьигэр учуутал кунун бэлиэтээтибит. Бу кун самоуправление кунэ буолла. Улахан кылаас о5олоро хас биирдиилэрэ учуутал оруолун толорон уруок ыыттылар. Сарсыардаттан са5алаан оскуола дириэктэрэ буолбут Саша Березкин о5олору хонтуруоллаан эппиэтнэстээх улэтин са5алаата.

киьээ уеруулээх тэрээьиннэ ветеран учууталлар ынырыллан кэлбиттэрэ. О5олор учууталлары э5эрдэлээн э5эрдэ концерт кердердулэр. Кинилэр ыллаан-туойан учууталлар бырааьынньыктарын киэргэппиттэрэ. Тумуккэ быйылгы уерэх дьылыгар технология учууталынан улэлии кэлбит Павлова Л.А. учууталлары, чуолаан бу соторутаа5ыта бэлиэ куннэрин керсубут ветеран учууталларбытыгар Портнягина Галина Дмитриевна5а, Неустроева Альбина Львовна5а анаан ырыа бэлэхтээтэ. Олус истин, киьи кутун таарыйар астык концерт буолан ааста.

Ол курдук учуутал кунэ олус интириэьинэйдик, учугэйдик ааста.

Кунду ветеран учууталлар, ону тэнэ билигин улэлии-хамныы, айа-тута сылдьар коллегаларбыт! Эдэр кэнчээри ыччакка билиини биэрэр утуе дьыала5ыт иьин ис сурэхпититтэнмахтанабыт. Ба5арабыт кытаанах доруобуйаны, улэ5итигэр урдук ситиьиилэри уонна туох баар кэрэни!!!. Учуутал идэ эрэ буолбатах. Бу дууьа сурэх ыйыытынан талыллыбыт чэпчэкитэ суох, ол эрээри утуе мааны быьыы суола. Киьи-аймах утуену оноруутун, ей-санаа урдук хаачыстыбатын, баай билии уонна айар дьо5ур бастын холобурунан оччоттон бачча5а диэри куруук учууталлар буолаллар. Дьиннээх учууталлар уерэтэр, сырдатар улэ5э тапталларынан, о5о дьыл5атын иьин эппиэтнэстээхтэринэн атыттартан уратылаахтар.

Эьиги профессиональнай билиигитин- керуугутун о5о5о тиэрдиинэн эрэ мунурдаммаккыт, о5о талаанын, дьо5урун арыйыыга, сайыннарыыга, олох устатын тухары уерэххэ дьулууругар сурун онкулу уура5ыт, вкылааты айа5ыт. Ис сурэхпититтэн кытаанах доруобуйаны, тулууру, профессиональнай еттунэн бэйэни куруук сайыннара тураргытыгар ба5арабыт. Таптыыр идэ5ит уерууну эрэ а5аллын! О5олор, тереппуттэр эьиэхэ махтанар тыллара у5араабатын! Учуутал кунунэн!