Олунньу ый устата биһиги оскуолабытыгар патриотическай иитии ыйын чэрчитинэн араас ис хоһоонноох тэрээһиннэр, дьарыктар оҕолорго, төрөппүттэргэ, уонна учууталларга туһуланан ыытылла тураллар. Ол курдук, оскуола уонна нэһилиэк олохтоох библиотеката кыттыгастаах "Блокадный хлеб" акция, "Классные встречи" Аҕа дойдуну көмүскээччилэр күннэригэр олоҕуран оскуолабыт үөрэнээччилэрин сүһүөхтэринэн арааран Ийэ дойдуларын иннигэр ытык иэстэрин төлөөн урукку уонна билиҥҥи кэмҥэ армия кэккэтигэр сулууспалаан кэлбит эһэлэр, аҕалар, ыччаттар кыттыылаах Улуу Кыайыы 75 сылыгар анаан кылаас чаастара бара тураллар.

Ону тэҥэ бэҕэһээ, о.э. олунньу 20 күнүгэр кылаастарынан "СЛУЖУ РОССИИ" байыаннай хаамыы уонна ырыа күрэҕэ бэрт сэргэхтик буолан ааста. Дьүүллүүр сүбэ састаабыгар нэһилиэк олохтоохторо, ытык иэстэрин бэйэлэрин кэмнэригэр үтүө суобастаахтык төлөөн кэлбит, биһиги оскуолабыт 1983, 2016 сыллаах выпускниктара: Стручков В.Д., Ховров В.В. уонна ДЮСШ филиалын көҥүл тустууга тренера Антонов В.Н. үлэлээтилэр. Оскуола оҕото олоччу кыттыыны ылла. Быйыл оҕолорбут таҥастара-саптара, тутта-хапта сылдьаллара эппиэтнэмстээхтик бэлэмнэммиттэрэ туоһулаата.

Бары кыттыбыт хамаанда бэлэмнэрин таһыма сыллата үрдээн иһэрин бэлиэтиибит. Кыайыылаахтары дипломнар, бары кыттааччыларга минньигэс бириистэр уонна көхтөөх кыттыы иһин туоһу суруктар туттарылыннылар."""""""