Карантин уонна самоизоляция ыарахан баҕайы курдук иһиллэр эрээри, биир өттүнэн ылан көрдөххө чугас дьонун аттыгар бааллара эмиэ да үчүгэй кэм курдук буолан тахсар.

Бу иннинэ үлэ дии дии оҕолорбут диэки хайыһан да  көрөр кэмчи буолааччы. Ол эрэн бу алхастарбытын дьиэҕэ кэммитигэр олорон көннөрөр, куоттарбыппытын ситиһиннэрэр кэм курдук ылыныахха баар эбит диэн түмүккэ кэллим.

Карантины тутуһуу наадалааҕын Италия, США холобурдарыттан көрүөххэ сөп. Итинник иэдээҥҥэ тиийбэт туһугар хас биирдии киһи, төрөппүт эппиэтнэскэ ылынан, оҕолорбутун дьиэ тэлгэһэтин таһыттан таһаарымыахха. Уонна биир өттүттэн судаарыстыба дьаһалын, уурааҕын оҕолорбутугар кыра эрдэхтэриттэн тутуһуннара үөрэтэри наадалаах дии саныыбын. Сокуону тутуһа үөрэммит оҕоҕо төрөппүт, улахан киһи өттүттэн эрэл уонна итэҕэйии үөскүүр эбит. Маннык иитиллибит оҕо бэйэтин бэрээдэк өттүттэн сатаан хонтуруолланар уонна харыстанар күүһэ бөҕөргүүр диэн психологтар сүбэлииллэр.

Дистанционнай үөрэх туһунан санаам:

Соторутааҕыта эрэ төрөппүт оҕотун үөрэҕин оскуолаҕа эрэнэр этэ буоллаҕына, билигин кини учуутал телефон, компьютер нөҥүө бэриллибит бириэмэ иһигэр заданиетын ыйан, кэрдэн, быһааран биэрэр. Онон оҕоҕо кылгас бириэмэ иһигэр саҥа бэриллибит билиини чиҥэтэригэр улахан тирэх көмөлөһөөччү төрөппүт буолла.

Билэрбит курдук хас биирдии оҕо бэйэтэ тус эйгэлээх, интириэстээх, талааннаах. оҕо ис туругун, генетическай тутулугун төрөппүттэн ордук ким билиэй. Оҕону мөҕөн-этэн, үөҕэн, кырбаан тугу да туһаммаппытын олус диэн бары билэбит эрээри сороҕор тахсан хаалар. Маннык түгэҥҥэ оҕоттон хайаатар да бырастыы көрдөһүөхтээх эбиппит диэн психологтар сүбэлииллэр. Ити быһыынан оҕоҕо чараас эйгэни иитэн таһаарабыт.

Дьиэ иһигэр үөрэх процеһын оҕоҕо интириэһинэйдик, оҕо өйдөөбөтөҕүн интирниэт стимиттэн туһааннаах информацияны иккиэн олорон эйэ-дэмнээхтик булан билиини чинэттэххитинэ оҕоҕо үөрэххэ мотивация, интэриэс үөскэтэбит. Оҕоҕо билбэккитин көрдөрөргүтүн куттаныман, кыбыстыман, хата оҕоҕуттан умнан кэбиспиппин, баһаалыста быһаар, диэн көрдөһүөххүтүн син эбит. Оҕо маннык түгэҥҥэ бэйэтигэр эрэл үөскээн уонна билбэт да буоллаҕына эһиэхэ быһаараары интирниэттэн булан, бэйэтэ үөрэтэн эһиэхэ кэпсиэн сөп.

Үөрэх кэннэ сынньаныыны биһиги оскуолабыт выпускницата Иванова, кэргэнинэн Макарова, Саина @pichenne инстаграмыттан булан көрүөххүтүн син. Саина дьиэ кэргэнин кытта карантин кэмин дьиэ иһигэр олорон хайдах атаарыахха сөбүн, марафон арааһын ыытан, дьон биһирэбилин ылла. 

Үөрэнээччим страницатын киэҥ туттан туран сүбэлиибин. Оҕобуттан элбэҕи биллим, туһанным. Махтал Саинка! Төрөппүттэрим эмиэ туһаныаххыт диэн эрэнэбин.

Үөрэ-көтө уруккубутун, умнубуппутун өйдүү таарыйа, дьиэ иһинээҕи климаты буортулаабакка, айдаарсыбакка үөрэхпит бүтэһик кэмнэрин атаарыахха.

Төрөппүккэ баҕарыам этэ ис санаалыын уларыйыыны, туруктуун уоскуйууну уонна кэрдии кээмэйэ суох тулууру! Бары чэгиэн буолун!

Петрова Марианна Михайловна "И.С. Портнягин аатынан

Сыырдаах орто оскуолатын" педагог-тьютора .